HP avadanlıqları Bakıda

HP 250 G10 ilə ProBook 450 arasında fərq nədir?

250 seriyası büdcə xəttidir: gündəlik ofis işi, sənədlər, poçt və brauzer üçün tam kifayətdir. ProBook 450 isə biznes xəttidir — daha möhkəm korpus, daha yaxşı klaviatura, daha geniş port dəsti və uzun müddətli korporativ dəstək. 20-30 nəfərlik ofisdə adətən qarışıq alınır: əməliyyat şöbəsinə 250, menecer və mühəndislərə ProBook.

HP printer alarkən lazer, yoxsa Smart Tank seçmək lazımdır?

Aylıq çap həcmi əsas göstəricidir. Ayda 500 vərəqdən az, əsasən mətn çapı olan ofisdə lazer (LaserJet) daha sərfəlidir. Rəngli çap çoxdursa və ya aylıq həcm minlərlə vərəqdirsə, Smart Tank kimi tanklı model vərəq başına xərci bir neçə dəfə azaldır, çünki kartric əvəzinə mürəkkəb şüşəsi ilə doldurulur.

HP kartriclərinin qiyməti nə qədərdir?

Kartric qiyməti printer modelindən və resursundan asılıdır — eyni model üçün standart və yüksək resurslu (XL) variantlar olur. IRIX yalnız orijinal HP kartricləri satır; sifarişdə printerin modelini və ya kartricin kodunu (məsələn W1106A) göstərmək kifayətdir.

HP monitorlarında V, M, P və E seriyaları nə deməkdir?

V — əsas ofis modelləri, sadə dayaq və standart panel. M — ev və ofis üçün, daha yaxşı dizayn və hündürlüyü tənzimlənən dayaq. P — korporativ seriya, uzun dəstək müddəti və geniş port dəsti. E — konfrans və çoxmonitorlu iş yerləri üçün, USB-C və şəbəkə portu ilə. Z seriyası isə rəng dəqiqliyi tələb olunan dizayn işləri üçündür.

HP zəmanəti Azərbaycanda etibarlıdırmı?

Bəli. IRIX-dən alınan avadanlıq rəsmi kanalla gəlir və zəmanət Bakıda IRIX tərəfindən rəsmiləşdirilir. Korporativ müştərilər üçün zəmanət müddətinin uzadılması (Care Pack) da mümkündür — sifarişdə qeyd etmək kifayətdir.

Noutbuklar əvvəlcədən quraşdırılmış Windows ilə gəlirmi?

Modeldən asılıdır: bəzi konfiqurasiyalar FreeDOS, bəziləri Windows lisenziyası ilə gəlir. Məhsulun adında və texniki xarakteristikasında bu göstərilir; lazım olduqda Windows və Office lisenziyasını ayrıca təmin edirik.

Eyni modelin bir neçə variantı var, fərq nədədir?

HP eyni seriyanı müxtəlif prosessor, yaddaş və disk konfiqurasiyalarında buraxır. Ona görə saytda hər variant öz part number-i ilə ayrıca göstərilir — məsələn 250 G10 üçün i3, i5 və i7 variantları. Sifarişdə part number-i yazsanız, dəqiq həmin konfiqurasiya gələcək.

Böyük sifariş üçün endirim varmı?

Bəli. 10 ədəddən çox noutbuk, monitor və ya printer sifarişində korporativ qiymət tətbiq olunur. Tender və layihə sifarişləri üçün ayrıca kommersiya təklifi hazırlanır.